Қазақстан Руспубликасы Мәдениет және ақпарат министрлігі Дін істері комитетінің қолдауымен 31 наурыз бен 4 сәуір аралығында Республикалық ақпараттық-түсіндіру тобы мүшелері Шымкент қаласына іс-сапарға барды.
Аталған іс-сапардың мақсаты Халықтың дінтанулық сауаттылығын арттыру және діни экстремизмнің алдын алу.
Қалада жалпы саны 20 іс-шара ұйымдастырылып, 400-ден астам адам қамтылды.
Аталған іс-шараға: Ботақараев Бауыржан Қуанышбайұлы – “Нұр-Мұбарак” Египет ислам мәдениеті университеті оқытушысы, PhD доктор, Сабырұлы Әбілхайыр — Жамбыл облысы «Дін проблемаларын зерттеу орталығы» бөлім басшысы, теолог, Шетенова Гүлмира Бектаевна – Шымкент қаласы «Дін мәселелерін зерттеу орталығы» КММ-нің психолог, бөлім басшысы, Айтаев Икрам Сатыбалдыұлы – Шымкент қаласы «Дін мәселелерін зерттеу орталығы» КММ-нің теолог-маманы, Тілеухан Бақдаулет Мамырханұлы — Жамбыл облысы «Дін проблемаларын зерттеу орталығы» басшы орынбасары, психолог, дін мәселелері бойынша Республикалық ақпараттық түсіндіру тобының мүшелері қатысты.
Түсіндіру тобының мүшелері Шымкент қаласы аумағында мектеп, колледж және жоғары оқу орындары базасында болды.
Олар халық арасында Қазақстанда өмір сүретін барлық конфессиялар мен этностардың бейбіт қатар өмір сүруі мен әрекеттесуіне бағытталған дін саласындағы мемлекеттік саясаттың мәні, Қазақстан халқының мәдениеті мен рухани мұрасы, деструктивті жалған діни және радикалды идеялардың қауіптілігі туралы өңір тұрғындарын ақпараттандыру және т. б. тақырыптарда түсіндіру жұмыстарын жүргізді.
Іс-сапар барысындағы ақпараттық-түсіндіру жұмыстары аясында жоғары оқу орны студенттері, мектеп оқушылары, колледж студенттері мен мекеме қызметкерлері және т.б. топтар қамтылды.
