Ұлттық қауіпсіздік комитеті  Сириядан қайтарылған отандастарымызды жеткізу сәтінен арнайы операция видеосын жариялады. Елге жеткізілген жеті бала да бейімдеу орталығына жатқызылды, деп хабарлайды Arasha.kz.

4 ақпанда Сириядан 12 адам оралды. Осыған дейін хабарлағанымыздай олардың жетеуі бала. Оның екеуі жетім.

Жетім балалар жақын туыстарының қамқорлығына беріледі және мемлекет оларға барлық қажетті көмек көрсетеді. Әйелдер мен балалар оңалту және қайта әлеуметтендіру бағдарламаларына қосылады.

Ұлттық заңнамаға және халықаралық міндеттемелерге сәйкес террористік іс-әрекетке қатысқан адамдар қылмыстық жауапкершілікке тартылады.