Коронавируспен ауырғандарда ковидтен кейінгі синдром белгілері бірнеше айдан кейін де сезілуі мүмкін. Мамандар кардиолог пен невропатолог тексеруінен өтуге ұсыныс жасады. Бұл туралы Sputnik Қазақстан жазды. 

«Маусымда жарияланған жүйелік шолу мәліметіне сүйенсек, ковидтен кейінгі синдром ауырғаннан кейін немесе ауруханадан шыққан соң 3-24 апта аралағында дами бастайды. Ковидтен кейінгі синдромның белгілері көп жағдайда төрт аптадан кейін білінеді», – деді Роспотребнадзордың эпидемиология ғылыми-зерттеу институты федералды бюджеттік ғылыми мекемесінің клиникалық жұмыстар жөніндегі директорының орынбасары Антонина Плоскирева РИА Новости-ге берген сұхбатында.

Плоскиреваның айтуынша, коронавируспен симптомсыз ауырғандарда ковидтен кейінгі синдром бір айдан соң білінуі мүмкін.

Бұған дейін кардиолог дәрігер Юлия Лоцманова ковидтен кейінгі синдромды дер кезінде анықтау үшін қан және несеп талдауын тапсыру қажет екенін айтқан болатын. Ковидтің ағзаға ұзақ әсері ұю, электролиттер мен тропин көрсеткіштерінің өзгеруі, қалқанша безіндегі өзгерістер мен D дәрумені мөлшерінің ауытқуы арқылы білінеді.

Ал вирусолог Евгений Тимаков коронавирустан кейін қан тамырлары тромбозының пайда болуы мүмкін екенін, сондықтан сауыққан адамдардың, соның ішінде жастардың да кардиолог пен невропатолог тексеруінен өтуі тиіс екенін айтты.