ҚазҰМУ жұқпалы және тропикалық аурулар кафедрасының профессоры Разила Егембердиева Қазақстанда коронавирусқа қарсы балалар мен жасөспірімдерге вакцина егу жоспарланатынын жеткізді.
Оның пікірінше, балалар мен жасөспірімдерге вакцина егу өте қажет.
«Балалар контингентінде коронавирус ауруының жиілеуі туралы мәліметтер көбейіп келеді және олардың арасында ауыр жағдайлар тіркелген. Ресей ғалымдарының айтуынша, COVID-19-қа қарсы барлық үш вакцина педиатрияда алдағы уақытта қолданылады, бірақ балалардың дозасы ересек адамнан әртүрлі болуы керек. Менің ойымша, біз балаларға вакцина егуді ұсынатын кезеңге де жақындаймыз», – деді Егембердиева.
