21-09-22 |
«КСО» компаниясы Қайрат Сатыбалдыұлына қатысты медиациялық келісімге қол қоюдан бас тартты.
«КСО» компаниясы Қайрат Сатыбалдыұлына қатысты медиациялық келісімге қол қоюдан бас тартты

«КСО» АҚ Қайрат Сатыбалдыұлының қылмыстық ісі бойынша дауды реттеу туралы медиациялық келісімге қол қоюдан бас тартты, оған сәйкес жәбірленуші тарапқа 28,6 млрд теңгеден астам өтемақы өндірілді, деп жазды Zakon.kz.

Астанада Қайрат Сатыбалдыұлының қылмыстық ісі бойынша сот отырысының кезекті отырысы өтті.

Сот Нұрлан Баяхметов бүгін осы қылмыстық іс бойынша жәбірленуші тарап болып табылатын «КСО» АҚ бітімгершілік келісімдегі қолды қайтарып алу туралы ұсыныс енгізілгенін айтты.

«КСО» АҚ 2022 жылғы 8 қыркүйектегі сот медиациясы тәртібімен дауды реттеу және тараптарды татуластыру туралы келісімге қол қойғанын кері қайтарып алып, жоғарыда аталған келісімді жарамсыз деп тануды сұрайды. Сонымен қатар бұл өтінішті Сатыбалдыұлы, Мұхамбетжанұлы және Бекетовке қатысты қылмыстық іс материалдарына қоса беруді сұрайды», – деді сот Нұрлан Баяхметов.

Серіктестік өкілі Жандосов бұл келісім мәселесі әлі толық шешілмегенін айтты.

Соттың нақтылау сұрақтарынан «КСО» АҚ басшысы келісімді жарамсыз деп тануды сұрайтыны белгілі болды.

«Иә, дұрыс (медиациялық келісімді жарамсыз деп санауды сұрайды – ред.). Кәсіпорынға келтірілген шығын өтелді, ақша «КСО» АҚ есепшотында», -деді «КСО» АҚ өкілі Жандосов.

Нәтижесінде сот тараптардың мәселені талқылап, процессуалдық келісім жасау туралы өтініші бойынша шешім қабылдауы үшін сот отырысын 22 қыркүйек күні сағат 15:00-ге ауыстыру туралы шешім қабылдады.

20 қыркүйекте Қайрат Сатыбалдыұлының қылмыстық ісі бойынша сот отырысында адвокаттардың бірі «Қазақтелеком» АҚ мен сотталушылар Бекетов, Мұхамеджанұлы, Қоңырбаев және Муравьев арасында медиациялық келісім жасалғанын хабарлады.

Кейін елордалық соттың баспасөз қызметі Қайрат Сатыбалдыұлының компанияға 28 миллиард теңгеден астам ақшаны қайтарғанын және «КСО»АҚ-ның жауапкерге қоятын талаптары жоқ екенін хабарлады.

БӨЛІСУ:
  • twitter
  • telegramm
  • facebok
  • vk