Көкшетаулық белгілі суретші һәм мүсінші Манарбек Бұрмағанров әнші Димаш Құдайбергеновтің мүсінін жасап, оны  қаладағы мұз қалашағына орнатты. Мүсіншіге Димаштың орындауындағы орыс композиторы И.Крутойдың «Любовь уставших лебедей» дейтін әні шабыт беріпті. Солайша, халықаралық жарыстарға қатысып, өнерін шыңдап жүрген белгілі мүсіншінің мүсіні жергілік әкімшілік тарапынан қолдау тауып, мұз қалашыққа көрік беріп тұрған көрінеді.