Ұлттық қоғамдық сенім кеңесінің бұрынғы мүшесі Арман Шораевтың «төтенше жағдай кезінде жалған ақпарат таратты» деген күдікпен ұсталғаны хабарланған еді. Әлеуметтік желіде саяси сарапшылар, азаматтық белсенділер Шораевтың ұсталуына қатысты пікір жазуда. Соның бірі – кәсіпкер Марғұлан Сейсембай.

Марғұлан Сейсембай, кәсіпкер:⠀

– Арман Шораевты Алматыға әкеле жатыр. Бүгін кешке оның құқықтарына уақытша шектеу қою шараларын белгілеу бойынша сот өтеді. Егер оған да Әлнұр Ильяшевке жасағандай, бірден екі айға абақтыға жабу шарасы қолданылса, соңғы күндері белсенділерді тұтқынға алу әрекеттерінің барлығын ескерсек, билік басып-жаныштау жолын таңдағаны және ешқандай да реформаларға үміт артудың мәні де жоқ екенінің айқын белгісі болмақ. Қоғамның қордаланып қалған мәселелерін бейбіт және эволюциялық тұрғыда шешудің тағы да бір мүмкіндігінен айырылсақ, өте өкінішті болмақ.
Билік өз таңдауын жасап жатыр.