Қытайдағы Ухань қаласынан эвакуацияланған Қазақстан азаматтарынан короновирус табылмады деп хабарлайды ҚР Бас санитарлық дәрігері Жандарбек Бекшин.
«Уханнан 89 адам эвакуацияланды. Олардың 83-і -қазақстандық (80-і студент), бесеуі – Беларусь азаматы және бір Армения азаматы бар. Олардың барлығынан сынама алынды, жағдайлары қанағаттанарлық деңгейде, дене қызуы қалыпты, ешқандай шағымдары жоқ. Барлығынан коронавирус табылмады. Ол зертхана тексеруімен дәлелденді. Соған қарамастан, оларды барлығы 14 күн карантинде болады», – деді Жандарбек Бекшин 3 ақпанда өткен баспасөз мәлихатында.
