Муфтияттың сайтында Исламда жол ережесінің мәдениеті тақырыбында мақала жарияланды.

Онда жол ережесі – тек мемлекеттің заңы емес, ол – шариғатқа да сай талап екені айтылады. Себебі жолда тәртіп болмаса, қауіп туады. Ал қауіп адам жанын қатерге тігеді, делінген.

«Бір мұсылман рөлге отырғанда, ол көлік емес, адам өмірін басқаруға кіріседі. Жылдамдықты асыру, бағдаршамға бағынбау, белдік тақпау, телефонмен сөйлесу, жаяу жүргіншілерге жол бермеу мұның барлығы да тек өзінің емес, өзгенің де өміріне қауіп төндіреді. Бұл – құқық қана емес, бұл – күнәлі іс. Исламда адам өмірі – ең қастерлі құндылық»,-деп жазылған мақалада.