20 наурызда Астана қаласының мәслихаты кезектен тыс сессия өткізіп, қала атауын «Нұрсұлтан» деп өзгерту ұсынысын қолдады. Енді мәслихат шешімі республикалық ономастика комиссиясына беріледі. Астана мәслихаты жиынында қала әкімі Бақыт Сұлтанов Тоқаевтың ұсынысын толық қолдайтынын айтты. Оның сөзінше, қала әкімдігіне тұрғындар мен еңбек ұжымдарынан бұл ұсынысты қолдаған хаттар келіп жатыр.
