Алматыда тепловоздың маршруттық автобуспен соқтығысуы салдарынан алты адам зардап шекті. Бұл туралы қалалық полиция департаментінің баспасөз қызметі хабарлады.

«Жергілікті полицияның кезекші бөлімінен хабарлағандай, бұл жол-көлік оқиғасы бүгін сағат 11.40-та Алматының Алмалы ауданында болды. Жеке тасымалдаушыға тиесілі 88-ші бағыттағы автобус Әуезов көшесімен солтүстік бағытта Гоголь көшесінің солтүстігінде батысқа қарай темір жол бойымен келе жатқан тепловозмен соқтығысқан. Оқиға салдарынан қоғамдық көліктің алты жолаушысы зардап шекті», – делінген хабарламада.

Зардап шеккендерге медициналық көмек көрсетілгені атап өтілді.

«Жол апатының басқа да мән-жайлары анықталуда», – деп қосты полиция департаменті.

Фото: t.me/almaty_my