FlyArystan әуекомпаниясының Қостанай-Алматы бағытындағы ұшағында жолаушының денсаулығы сыр беріп, ұшақ шұғыл түрде Астанаға қонды.
Бортсеріктер жолаушығы дереу алғашқы көмек көрсетіп, дефибриллятор арқылы жәрдемдескен.
Тіршілік белгілері болмағандықтан экипаж алдағы медициналық көмек алу үшін Астана әуежайына шұғыл қонуға шешім қабылдаған. Қанша күш салғанына қарамастан әуежай дәрігері жолаушынының өлгенін мәлімдеген.
FlyArystan өкілдері марқұмның отбасы мен жақындарына қайғыларына ортақтасып көңіл айтты. Жолаушының өмірін сақтап қалу үшін барлық шаралар қолданылғаны атап өтілді.
