Ресей құқық қорғау органдарының қолынан қаза тапқан ағайынды Сафаровтардың денелері Әзербайжан астанасына жеткізілді. Баку ресейлік тарап ұсынған «жүрек талмасы» деген ресми нұсқаны қабылдамай отыр. Мысалы, Зияддин Сафаровтың өлімі дәл осылай сипатталған еді.

Әзербайжан өз бетінше сот-медициналық сараптама жүргізу туралы шешім қабылдады. Сараптама нәтижесі Гусейн Сафаровтың посттравмалық және қан кетуден болған шоктан көз жұмғанын көрсетті. Ағайындылардың денесінде түрлі жерлерінен көптеген жарақат алғаны анықталды.

Зияддин Сафаровқа қатысты ресейлік сараптама өлім себебі ретінде «жүрек ауруын» көрсеткен. Алайда Бакуде жүргізілген сараптама бұл нұсқаны жоққа шығарды: Зияддиннің денесінде жарақаттар, қан құйылу белгілері, бетінде, иығында, қолтық астында, жыныс мүшелері мен бүйрек тұсында жарақаттар болған. Кеуде тұсы деформацияға ұшыраған, сүйектер сынған, бір қабырғасы мүлдем болмаған. Сарапшылар оның да өліміне ауыр дене жарақатынан туындаған шок себеп болғанын айтты.

Сараптама Сафаровтардың ерекше қатыгездікпен өлтірілгенін анықтап отыр. Олардың арасында мұрын сынуы, көз айналасындағы гематомалар секілді белгілер де бар.

Әзербайжанның бас сот-медициналық сарапшысы былай деп мәлімдеген:

«Екатеринбургте сараптама берген Степан Перетягин Бакуде ешкім қайта тексермейді деп ойлаған».

Әзербайжан Бас прокуратурасы өз елінің азаматтарына және әзербайжан текті адамдарға Ресейде жасалған азаптау мен ерекше қатыгездікпен кісі өлтіру фактісі бойынша қылмыстық іс қозғағанын Minval Politika хабарлады.

Фото: Minval