Қайғылы оқиға Батыс Қазақстан облысы, Сырым ауданы, Жымпиты ауылында болды. Жеке тұрғын үйден өрт шыққан.
Өрт сөндірушілер оқиға орнына бес минут ішінде жеткенімен, балалардың барлығы ес-түссіз күйде болған. Ауруханаға жеткізілген сәтте олар қайтыс болды.
«Оқиға орнына келген кезде үйдің ішінде жеке заттар мен жиһаздар ашық жалынмен жанып жатты, өрт аумағы – 30 шаршы метр. Шақырту орнына ТЖД басшылығы, өрт зерттеу сынақ зертханасы, анықтау бөлімі және ТЖ департаментінің психологы шықты. Өрт сөндірілді», – деді БҚО ТЖД өкілдері.
Қаза тапқандардың ең үлкені – бес жаста. Қалған балалар 2020, 2021, 2023 және 2024 жылдары дүниеге келген.
