Естеріңізге сала кетейік, мәжілісмен шілде айында белгісіз дертінің себебін анықтау үшін Германияға медициналық диагностикаға барған болатын. Депутат сол жерде емделгенін жоққа шығарады. Бапидің айтуынша, дәрігерлер аурудың себебі әртүрлі дәрі-дәрмектерді бір мезгілде қолдану деген диагноз қойған.

«Мен емделген жоқпын, тек диагностикадан өттім. Ағзаға әртүрлі дәрі-дәрмектерді бір мезгілде қолдану әсер еткен. Бұл, былайша айтқанда, бір-бірін жоққа шығаратын дәрілер», – деді мәжілісмен.

Бапи Қазақстанда емес, Еуропада медициналық тексеруден өтуінің себебін де былайша түсіндірді:

«Мұндағы дәрігерлер диагноз қоя алмады. Мен үш емханада тексерілдім. Сондықтан мен Еуропаға ұшуға мәжбүр болдым».