Коста-Рика үкіметі алғаш рет АҚШ-тан депортацияланған мигранттар тобын қабылдады. Олардың қатарында Өзбекстан, Қытай, Ресей, Қазақстан және басқа елдердің азаматтары бар, деп хабарлайды Reuters.

Мигранттар Панама шекарасына жақын орналасқан қабылдау орталығына жіберілді.

Оларға ел аумағында бір айға дейін болуға рұқсат берілді, содан кейін Коста-Риканы тастап кетулері керек. Бұл — АҚШ-пен жасалған жаңа санкциялардан құтылуға көмектесетін келісімнің бір бөлігі.

«Көбісі өз елдеріне қайтқысы келеді», — деді қауіпсіздік министрінің орынбасары Омер Бадилья. Ол сондай-ақ кетуден бас тартқан адамдардың жағдайы жеке тәртіпте қарастырылатынын атап өтті.

Фото: Reuters