Атырау облысының Төтенше жағдайлар департаментінің (ТЖД) баспасөз қызметі хабарлағандай, Құлсары қаласында болған жарылыс пен оның салдарынан шыққан өрттен екі адам қаза тауып, 12 адам жарақат алды.

«Алдын ала мәлімет бойынша, 14 адам зардап шеккен, оның екеуі көз жұмды», – делінген ТЖД хабарламасында.

Құтқарушылардың нақтылауынша, 112 нөміріне Жылыой ауданы, Құлсары қаласы, Махамбет Өтемісұлы даңғылы бойында газ-ауа қоспасының (ГВҚ) жарылысы орын алып, кейін үш бірқабатты құрылыс, газ құю станциясы және артында орналасқан екі қабатты ғимарат отқа оранғаны туралы хабар түскен.

«Оқиға орнына бірден ТЖД мен Өрт сөндіру қызметінен 60 қызметкер мен 10 техника жұмылдырылды. Қазіргі уақытта өрт сөндіру және газ тасымалдағышты суыту жұмыстары жүргізіліп жатыр. Сонымен қатар жану ошақтарын оқшаулау және қауіпті аймақтан адамдарды эвакуациялау жұмыстары қатар жүргізілуде», – деп мәлімдеді департамент өкілдері.

Өрттің нақты көлемі мен себебі анықталып жатыр.