2 наурыз күні, Маңғыстау облысы Мұнайлы ауданы Басқұдық ауылында қайғылы оқиға орын алды. Жеке тұрғын үйде бір отбасы газдан уланып, жеті адам көз жұмды, олардың бесеуі – кәмелетке толмаған балалар.
Алдын ала мәлімет бойынша, трагедия газ жабдықтарын пайдалану ережелерін бұзу салдарынан болған. Қайтыс болғандар – Өзбекстан азаматтары, олар Қазақстанда уақытша тұрған.
Оқиғаны Маңғыстау облысының әкімі өз бақылауына алды. Қайғылы жағдайдың себептерін анықтау үшін комиссия құрылып, оны облыс әкімінің бірінші орынбасары Ербол Ізбергенов басқарды.
Қаза тапқандардың туыстарына жан-жақты көмек, соның ішінде жерлеу рәсімін ұйымдастыру бойынша қолдау көрсетіледі.
Фото: Маңғыстау облысы әкімдігі
