Оралда 1 желтоқсанға қараған түні әскерге шақырылған 19 жастағы Мейрамбек Сафиуллиев қашып кету әрекеті кезінде военкоматтың терезесінен құлап, ауыр жарақат алды, деп хабарлады «Мой город».
«Түнде оларды үшінші қабаттағы жатын бөлмеге орналастырды, онда бұрын белгісіз жігіт оларды қашуға көндіре бастайды. Сонымен бірге, әкесі ауқатты адам, олар үшін айыппұл төлейтінін айтып, алдап кеткен. Тіптен ол даяшы болып шықты. Түнде әлгі жігіт көрпелерді кереуетке байлап, төмен түсіп кеткен. Одан кейін Мейрамбектің досы, одан кейін екінші досы түскен. Достарының кеткенін көрген Мейрамбек те төмен түсе бастайды. Алайда көрпелер шыдамай, үшінші қабаттың биіктігінен тікелей асфальтқа құлап кетті», – дейді 19 жастағы Мейрамбек Сафиуллиевтің ағасы.
Туыстарының мәліметінше, Мейрамбекті военкоматқа алып кеткен, алайда олардың айтуынша, ол шақырту қағазын алмаған және қызметке психикалық тұрғыдан дайын болмаған.
Мейрамбек ауыр жарақат алып, омыртқасы сынған, туыстарының айтуынша, жедел жәрдем шақырылғанша асфальтта ұзақ жатқан. Ол өз денесін сезбей, гипотермияға ұшыраған. Мүгедек болып қалуы мүмкін.
