Ұлттық ұланның жауынгері Петропавлда көшеде тапаншаға ұқсас затпен тұрғындарды қорқытқан адамды залалсыздандырды, деп хабарлайды ведомствоның баспасөз қызметі.

«Кешке әскери қызметкер туыстарынан қайтып келе жатып, үй ауласында алкогольдік масаң күйдегі адамның өтіп бара жатқан тұрғындарды тапаншаға ұқсас затты кезеніп тұрғанын байқаған. Әскерилер дереу оған жақындаған кезде бұзақы тапаншасын оның өзіне бағыттаған. Капитан жедел әрекет етіп, жауынгерлік әдістерді қолданып, оны қозғалыссыз күйде ұстап тұрды. Көп ұзамай полиция қызметкерлері келіп, бұзақыны қабылдап алды», – делінген хабарламада.

Баспасөз қызметінің мәліметінше, әскери қызметкер тәртіп бұзушыны ішкі істер органдарының қызметкерлеріне тапсырған.