Түнде Брянск облысында Тросна – Калиновка тас жолының 48-шақырымында жолаушылар пойызы «Климов – Мәскеу» өтіп бара жатқан сәтте көпір құлады. Құрамның бір бөлігі автокөлік жолына құлаған.

Зардап шеккендер саны екі есеге артты. Жеті адам қаза тапты, 69 адам жарақат алды, олардың үшеуі – балалар.

«Үш адамның жағдайы ауыр. Жалпы 44 зардап шеккен адам ауруханаға жеткізілді, оларға медициналық көмек көрсетілуде. Тағы 22 адам амбулаториялық ем қабылдап жатыр», — деп мәлімдеді өңір губернаторы Александр Богомаз.

Сондай-ақ ауыр жарақат алғандардың бірі – бала екені белгілі. Ол санавиация күшімен Мәскеуге жеткізілді.

Жергілікті БАҚ-тың хабарлауынша, қайғылы оқиға көпірдің жарылуы салдарынан болған.

Қазір зардап шеккендерді эвакуациялау аяқталды. Қираған аумақты тазарту жұмыстары жүргізіліп жатыр.

Зардап шеккендер арасында Қазақстан азаматтары бар-жоғы әзірге белгісіз.