Дәрігерлер Шамалған өткелінде жолаушы пойызы мен автобустың қақтығысуы салдарынан зардап шеккен үш адамның денсаулық жағдайы туралы айтты. Бұл туралы Алматы қаласы денсаулық сақтау басқармасы хабарлады.

«5 жасар баланың жағдайы ауыр, дегенмен алға жылжу бар, сөйлейді, тамақтана бастады. Екінші қыз комада, жасанды тыныс алу аппаратынан ажыратылған. Өз бетінше тыныс алып жатыр. №7 қалалық ауруханадағы әйелдің жағдайы орташа ауыр. Ота сәтті жасалды. Динамикасы жақсы», – деді дәрігерлер.

Атап өтсек, 15 қыркүйекте Алматы облысы Шамалған станциясында «Алматы-Қостанай» бағытындағы жолаушылар пойызы мен «Алматы – Шамалған» бағытындағы автобус соқтығысты. Апат түсірілген видео да жарияланды. 

Дереккөз:baq.kz