Өскемен қаласының екі тұрғыны өткен жылы Ресей жағында соғысу үшін кеткен.  Бұл туралы «Устинка LIVE» хабарлады.

Бұл іс бойынша тергеу ҚР ҚК 172-бабы («Шетелдік қарулы қақтығыстарға қатысу») бойынша жүргізілген.

«Олар Донецк облысында алған жарақаттарының салдарынан қаза тапты. Өлім себебі – жарылыс пен жарықшақтан туындаған ауыр қан кету. Марқұмдардың денелері Өскеменге жеткізілді», – деп мәлімдеді ҰҚК департаменті.

Олардың қайтыс болуына байланысты қылмыстық іс тоқтатылды.