Қызылордада 2,2 миллион теңге пара алған басшы ұсталды.
Қызылордада 2,2 миллион теңге пара алған басшы ұсталды

«Қазатомөнеркәсіп» ҰАК» АҚ «Байкен-U» ЖШС сатып алу департаментінің басшысы пара алу ісі бойынша ұсталды.

«Қазақстан Республикасы сыбайлас жемқорлыққа қарсы іс-қимыл агенттігінің Қызылорда облысы бойынша департаменті мердігер ұйым өкілінен 2,2 миллион теңге көлемінде пара алғаны үшін «Қазатомөнеркәсіп» ҰАК» АҚ «Байкен-U» ЖШС сатып алу департаментінің басшысын ұстады», – делінген ақпаратта.

Лауазымды тұлға орындалған жұмыстардың актілеріне кедергісіз қол қою және қызмет көрсету шарты бойынша аудару үшін ақша алған.

Өзге ақпарат жарияланбайды. Тергеу жалғасып жатыр.

«Қазатомөнеркәсіп» ҰАК» АҚ – дүниежүзіндегі ауқымды ресурстық базаның бірін игеру басымдығына ие әлемдегі ең ірі табиғи уран өндіруші.

Қазақстанның бес аймағында орналасқан компанияның 40 өндірістік нысанында 20 мыңға жуық қызметкер жұмыс істейді.

БӨЛІСУ:
  • twitter
  • telegramm
  • facebok
  • vk
Соңғы мақалалар.