Трамп Ресей мен Украина арасындағы Түркиядағы келіссөздерге пікір білдірді.

— Путин келіссөз үстелінде отыр. Ол бұл кездесуді қалады. Бірақ мен бұл кездесуге менсіз жол жоқ деп сезіндім. Мен онсыз келісімге келу мүмкін емес деп ойлаймын, өйткені екі жақта да өте көп өшпенділік бар. Біздің Путинмен қарым-қатынасымыз жақсы. Меніңше, біз келісімге келеміз. Біз кездесуіміз керек және, үлкен ықтималдықпен, оны жоспарлаймыз. Себебі мен бұл іспен басқа адамдардың айналысқанына шаршадым. Стив Уиткофф тамаша жұмыс істеді. Бірақ бұл — өте ауыр жұмыс. Және бұл — тек бір адамның қолынан келетін іс. Қазіргі жағдайға байланысты — тек менің.

— Меніңше, Путиннің де бұдан шаршағаны байқалады. Ол өзін жақсы көрсетуге тырысып жүр, бірақ шын мәнінде жағдайы онша емес. Естеріңізде болсын, бұл соғыс бір аптада аяқталуы керек еді. Егер ол танкілерімен батпаққа батып қалмағанында, Киевке бес сағатта жетер еді.

— Мен Зеленскиймен ауыр әңгіме жүргіздім, себебі оның айтқандары маған ұнамады. Оның қолында мықты карталар жоқ. Ол алып армиямен және батыл, жақсы қаруланған қарсыластармен бетпе-бет келіп отыр.

— Мен төрт күнде Украинаға жұмсаған қаражаттан 12 есе көп табыс таптым. Бірақ мені бұл ақшаның қайда кеткені ашуландырды. 60 миллиард доллар. Менің ойымша, Зеленский — әлемдегі ең мықты бизнесмен, тіпті менен де мықты. Ол Вашингтонға келеді де, әр жолы ондаған миллион доллармен қайтады.

— Егер біз келісімге келе алмасақ, мен Ресейге санкция саламын. Бірақ қазір — Түркиядағы келіссөздер уақыты.

Айта кестек, кеше Стамбулда Ресей Украина делегаттарының кездесу қорытындысы бойынша тараптар 1000-ға 1000 қағидасымен тұтқын алмасуға келіскен еді.