Evocation.info Ресейдің Екатеринбург қаласындағы полиция басшылығы құрамының жеке тұлғаларын анықтаған. Олар Гусейн мен Зияддин Сафаровтардың өліміне әкеліп соқтырған қызметтік өкілеттіліктерін асыра пайдаланған полиция қызметкерлерінің әрекеттері үшін жауапты, деп хабарлады 1news.az.

Осыған байланысты жауапты тұлғалардың тізімі жарияланды:

Полковник Виктор Позняк (25.09.1984 ж.т.)

Оның орынбасары және тергеу басқармасының бастығы полковник Николай Почаевец (02.10.1981 ж.т.)

Позняктың тағы бір орынбасары, подполковник Рафаэль Хамидулин (06.10.1984 ж.т.)

Жеке құраммен жұмыс жөніндегі орынбасары Александр Смирных (17.01.1990 ж.т.)

Еске сала кетсек, 27 маусым күні таңғы сағат 5 шамасында ФСБ қызметкерлері Екатеринбург қаласындағы Сафаровтар отбасы тұратын бірнеше мекенжай бойынша арнайы операция жүргізді. Операция барысында Агдам ауданынан шыққан Ресей азаматтары – Гусейн мен Зияддин Сафаровтар қаза тапты. Тағы 8 адам, оның ішінде олардың бауыры Бекир Сафаров түрлі дене жарақаттарын алды.

Тергеу мәліметінше, ұсталғандар 2001, 2010 және 2011 жылдары Урал астанасында орын алған бірқатар кісі өлтіру және оған оқталу істеріне «қатысы болуы мүмкін».

Аз уақыт өткен соң, Ресей құқық қорғау органдары Екатеринбургтегі әзербайжан диаспорасының өкілдерін жаппай ұстағаннан кейін, жаңа айыптаулар жариялады.

Мемлекетке тиесілі БАҚ – РИА Новости және РБК агенттіктері – хабарлағандай, кейбір ұсталғандар 2021 жылы Свердлов облысында 44 адамның өліміне әкелген контрафактілі алкогольмен жаппай улану ісіне қатысы бар деп көрсетілген.

Алайда құқық қорғау органдарындағы дереккөздер «жеткізушілердің ұйымдастырушылары» ретінде «ұсталғандардың кейбірін» атаған. Бірақ, бұл іс бойынша бұған дейін сот үкімі шығып, нақты тұлғалар жазасын алғаны белгілі. Төрт жыл өткен соң ескі істі жаңа күдіктілермен байланыстыру әрекеті айыптаулардың қолдан ұйымдастырылуы мүмкін деген күмән туғызуда.