Фордо, Натанз және Исфахандағы нысандарға жасалған бомбалау Иранның ядролық бағдарламасын кейінге шегеріп, халықаралық реакция тудырды — бір жағынан дәлдікке таңданыс, екінші жағынан қарымта шабуылдардан қауіптену байқалды. Bloomberg сарапшысы алдағы уақытта жағдай қалай өрбуі мүмкін екендігіне болжам жасады.

«Тізе бүгу — режимнің өркөкіректігі мен осалдығын ескерсек, бұл аса ықтимал нұсқа емес. Жасырын қалпына келтіру және шектеулі жауап шабуылдары — ең ықтимал нұсқа. Иран ядролық нысандардан аман қалғанын сақтап, Сирия, Ирак пен Парсы шығанағындағы АҚШ базаларына шектеулі соққылар жасауы мүмкін. Бұл — үлкен шығыннан сақтанып, АҚШ-тың жаңа соққысына себеп болмау әрекеті», — деп жазды Bloomberg.

«Бәрін қатерге тігу» стратегиясы — Ормуз бұғазын уақытша жабу, АҚШ азаматтарын өлтіру немесе ұрлау, энергетикалық инфрақұрылымға кибершабуыл жасау. Мақсат — мұнай бағасын өсіріп, Батысқа қысым жасауы да мүмкін.

«Тағы бір, 4-нұсқа да бар: Ішкі режим ауысуы. Бұл нұсқа жақын арада мүмкін емес деп есептеледі, бірақ ел ішіндегі наразылық күшейе берсе — болашақта орын алуы мүмкін», — деп жазды басылым.