Нұр-Сұлтан қаласында өткен XII Астана экономикалық форумында Қазақстанның Тұңғыш Президенті Нұрсұлтан Назарбаев маңызды саяси мәлімдеме жасады. Форум аясында өткен пленарлық отырыста Euronews тілшісі Штефан Гробе Назарбаевтан сайлаудан кейінгі кезеңге байланысты сауал қойды.

«Мен сайлауға бес рет түстім. Маған электорат 85%-дан кем дауыс берген емес. Өзара сенім мен түсіністіктің арқасында мемлекет өркендейді. Қаласам, 100% сеніммен қайта сайланар едім. Бірақ мен жаңа буынның келуін қолдаймын», – деді Назарбаев.

Жаңа президенттің басты міндеттері

Назарбаев келесі президенттің негізгі міндеттері жайлы да айтты. Оның сөзінше, жаңа басшылық:

• «Қазақстан-2050» стратегиясын жалғастыруы керек;

• Елдің даму бағытындағы барлық бағдарламаларды жүзеге асыруы тиіс;

• Елдегі саяси тұрақтылықты сақтау міндеті тұр.

Сөз соңындағы әзіл

Форум соңында Назарбаев сәтті қалжыңдап, тілшіге:

«Сіз «бірінші президент» деп бастайсыз да, кейін жай «президент» дейсіз. Қазақстанда бұлай болмайды. Қазір бір ғана президент бар – және ол басты адам», – деп түйіндеді.