Бүгін ресейлік қоғам қайраткері Алексей Навальный Харп ауылындағы түзеу колониясында қайтыс болғаны хабарланды.

Ресейдің УФСИН Ямало-Ненецкий автономдық аймағының мәлімдемесіне сәйкес, сотталған Навальный серуеннен кейін өзін нашар сезініп, бірден есінен танып қалған.

«16.02.2024 жылы №3 түзеу колониясында сотталған Навальный Алексей серуендегеннен кейін бірден есінен танып, өзін нашар сезінді», – дейді ведомство өкілдері.

Сондай-ақ Навальныйдың өліміне қан тамырындағы тромбтың жарылуы себеп болуы мүмкін екені айтылуда.

Дегенмен, ВВС тілшілері саясаткерге түрмеде қандай азап көрсетілгенін тізіп шыққан. Мұның барлығы оның денсаулығына әсер еткені сөзсіз дейді.

2021 жылдың көктемінде Владимир облысындағы ИК-2 түзеу колониясына енді ғана жіберілген Навальныйға қалыпты ұйықтауға рұқсат етілмеген. Ол «қашып кетуге бейім» деп танылып, профилактикалық есепке алынады.

Сондықтан, түнде сағат сайын ФСИН қызметкері оның бетіне шам жарығын жағып, тұтқынның орнында екенін дабыл үдеткішпен сұрап отырған. Осыған байланысты саясаткер колонияны сотқа берді: «Мені тіркеуден шығып, қалыпты ұйықтағым келеді», – деген ол сот отырысында.

2021 жылдың наурыз айының соңында Алексей Навальный колонияда аштық жариялады, себебі оны дәрігердің қабылдауына жібермеген.

Артынша саясаткер белінің қатты ауырғанына, аяғының ұюып ауырғандығынан аяғын баса алмайтынына шағымданған. Бірақ, адвокаттың айтуынша, оған түрменің медициналық бөлімінен екі ибупрофен таблеткасы ғана берілген.

Навальныйдың бірнеше апта бойы аштық жариялады, осыдан кейін жағдайы нашарлап, дәрігерлер оның өлуі мүмкін екенін айтты. Аштық акциясына байланысты Ресейде 2021 жылдың сәуірінде жаппай митингілер өтіп, дәрігерлер саясаткерге медициналық көмек көрсетуді талап етіп ашық хат жазған. Осыдан кейін ғана олар дәрігерге Навальныйды көруге рұқсат берді.

Сонымен қатар Навальный түрмеге түскенде денсаулығы мықты болмаған: алты ай бұрын Новичоктан уланып, Германияда бірнеше ай емделді.

Ресейге оралу туралы шешімін жариялай отырып, ол былай деп жазды: «Бүгін таңертең мен бірнеше ай бойы жасаған әдеттегі жаттығуларымды жасадым және өзімді дерлік саумын деп ойладым. Емдеуге болатын барлық нәрсені мен үйде емдей аламын». Осыны түсініп, қандай рейстер бар екеніне қарадым», – деп түсіндірді ол.

Ұсақ құқық бұзушылықтар үшін Навальный тұрақты түрде жазалау камерасына жіберілді. Жалғыз камерада үнемі суық және жеке заттарын алуға мүмкіндік жоқ, түрме дүңгіршегінен тамаққа тапсырыс беруге болмайды.

Ол жазалау камерасында да ауырды: дене қызуы көтерілді, сандырақтап, жөтелмен ауырды. Жазалау камерасында сіз күндіз жата алмайсыз: төсек күндізгі уақытта қабырғаға бекітілген, ал оны пайдалану тәртіп бұзушылық болады. Саясаткердің өзі колония басшылығы оны қасына науқас тұтқынды орналастыру арқылы тұмау жұқтырғанын айтты.

Дегенмен, саясаткердің адвокаты Леонид Соловьев оны сәрсенбі күні көргенін, денсаулығы қалыпты болғанын айтады.

«Алексей Навальныйдың отбасының өтінішімен ештеңе айта алмаймын. Қазір мән-жайды анықтау үстіндеміз», – деді адвокат жергілікті журналистерге берген пікірнде.