«Қазақстан Құрылысшылар одағы» республикалық заңды тұлғалар бірлестігі» Қазақстан Республикасының Президенттігіне кандидат ретінде Талғат Файзуллаұлы Ерғалиевті ұсынды, деп хабарлайды Arasha.kz Орталық сайлау комиссиясына сілтеме жасап.

«2019 жылғы 27 сәуірде Қазақстан Республикасы Орталық сайлау комиссиясына «Қазақстан Республикасындағы сайлау туралы» Қазақстан Республикасы Конституциялық заңының 55-бабына сәйкес «Қазақстан Құрылысшылар одағы» республикалық заңды тұлғалар бірлестігі» Қазақстан Республикасының Президенттігіне кандидат ретінде Талғат Файзуллаұлы Ерғалиевті ұсынды»,-делінген хабарламада.

Сондай-ақ онда, Ерғалиевтің Қазақстан Республикасының Президенттiгіне кандидат болып дауысқа түсуге келiсiм бергені, өмірбаяндық деректерін,  Қазақстан Республикасы Орталық сайлау комиссиясының шотына сайлау жарнасын енгiзгенiн куәландыратын құжатын, жеке басын куәландыратын құжаттың көшірмесін, жоғарғы оқу орнындағы білімі туралы дипломдарының көшірмелерін және мемлекеттік қызметте жұмыс тәжірибесінің бар екенін растайтын құжаттарды тапсырғаны айтылады.