Ақын Олжас Сүлейменов Алматы атауын өзгерту туралы ойын президент Тоқаев пен қала әкімі Сағынтаев қолдағанын айтады. Бұл туралы ол sputnik Қазақстанға берген пікірінде айтқан.

«Президент Тоқаевпен кездесу кезінде біз бұл мәселені талқыладық. Мемлекет басшысы бастамамды қолдады. Бірақ халық өзі шешуі керек екенін айтты. Менің ұсынысым қала әкімі Бақытжан Сағынтаев тарапынан да қолдау тапты», – деді Олжас Сүлейменов.

Сүлейменовтің сөзінен кейін президенттің кеңесшісі Ерлан Қарин пікір білдіріп, Тоқаевтың ұстынымын айтқан еді. Одан соң Алматы қаласы әкімі Бақытжан Сағынтаев та қала атауын өзгерту жайлы мәлімдеме жария етті.