Дональд Трамп миллиардер Илон Масктың бар болғаны алты апта ішінде америкалық салық төлеушілердің миллиардтаған долларын үнемдей алғанын атап өтті. Оның айтуынша, бұл тиімсіз келісімшарттарды бұзу, қызметкерлерді жұмыстан шығару және үкіметтегі алаяқтықты жою арқылы мүмкін болған.

Трамп сонымен қатар бюджет қаражатын бақылаусыз жұмсауға қарсы күресті күшейтуге уәде беріп, АҚШ салық төлеушілердің ақшасын тиімсіз жұмсауды тоқтатуы керек екенін мәлімдеді.

Міне, Трамптың кейбір мәлімдемелері:

• Кім болсаң да, қай салада жұмыс істесең де, қызметті қабілетіңе қарай алуың керек, жынысың немесе нәсіліңе байланысты емес.
• Біз Байденнен экономикалық апатты мұраға алдық. Біз АҚШ тарихындағы ең нашар инфляцияны қабылдап алдық.
• Джо Байденнің арқасында жұмыртқа бағасы рекордтық деңгейге жетті.
• Біз энергетикалық ресурстардың бағасын төмендетуіміз керек.
• Мен АҚШ аумағындағы сирек кездесетін жер қазба кен орындарын игеру бағдарламасын қабылдаймын.
• АҚШ Аляскада әлемдегі ең ірі газ құбырларының бірін салумен айналысып жатыр – бұл жобаға Жапония, Оңтүстік Корея және басқа да елдер қосылуға ниетті.
• Трамп алдыңғы әкімшіліктің күмәнді халықаралық шығындарын тізіп шықты, олардың ішінде Африкадағы ЛГБТ құқықтарын қолдау мен әлем бойынша күмәнді ғылыми зерттеулерді қаржыландыру бар.