19 сәуірде Ресей президенті православтық Пасха кезінде барлық соғыс әрекеттерін тоқтатуға бұйрық берді. Зеленский бұл бастаманы қолдап, тыныштық кезеңін 30 күнге ұзартуды ұсынды.

Пасхалық бітім аясында тұтқындармен алмасу жүзеге асты. Әр тараптан 246 адамнан босатылды. Сонымен қатар, Украинаға 31 жараланған әскери қызметкер қайтарылса, Ресей 15 жараланған сарбазын алды.

«Біздің жол» атты қоғамдық қозғалыс жариялаған Украина босатқан тұтқындар тізімінде Қазақстанның екі азаматы да бар.

Бұл – Украина мен Ресей арасындағы тұтқын алмасу аясында Орталық Азия елдерінің азаматтары қайтарылған алғашқы жағдай емес. 2024 жылдың шілдесінде Қырғызстан азаматы Алишер Турсунов қайтарылған болатын.

2025 жылдың басынан бері Ресей мен Украина үш рет тұтқын алмасу жүргізді – әр айда бір рет.