Қытай билігі Қазақстанның бірінші президенті Н.Назарбаевты «Достық» орденімен марапаттады, деп хабарлайды Ақорда.

Марапаттау Қытайдың халық жиналасы үйінде өткен. Назарбаевты тату көршілік қарым-қатынасты ілгерілетуге және жан-жақты стратегиялық серіктестікті дамытуға қосқан зор үлесі үшін марапаттаған.

Марапаттау рәсімі кезінде Қытай Халық Республикасының төрағасы Си Цзиньпин Нұрсұлтан Назарбаевты «Қытай халқының нағыз досы» деп атаған. Ал Назарбаев екі ел арасындағы тату көршіліе қатынастың қалай орнағанына тоқталып: «Қазақстан мен Қытайдың жан-жақты стратегиялық серіктестігі халықтарымыздың игілігі жолында одан әрі нығая береді деп үміттенемін» деген екен.