Белгілі қоғам белсендісі Жанболат Мамай Қазақстанның демократиялық партиясын құратынын мәлімдеді. Бұл туралы ол Алматыда өткен баспасөз мәслихатында айтты.

«Әріптестерімізбен ойлана келе, осындай партия құруды жөн санап отырмыз. Біздің мақсатымыз — әділет министрлігінде тіркелу емес. Жалпы бір нәрсені түсіну керек деп ойлаймын. Партия деген қағаз емес, әділет министрлігінде тіркеу емес, биліктің берген рұқсаты емес. Партия — адал идеялас азаматтардың, тұлғалардың алдына қойған мақсаттарын саяси тұрғыда жүзеге асыру. Президент, парламент сайлауларында бағдарламасын халыққа таныстырып, елдің қолдауын, даусын жинап билікке келу — кез келген партияның алдына қойған мақсаты — осы» — деді Жанболат Мамай.

Жаңа партия құру туралы баспасөз мәлихатына саясаткер Төлеген Жүкеев және журналист Сергей Дуванов қатысты.