Семейде автобус жүргізушісі есірткі қабылдаған.
Семейде автобус жүргізушісі есірткі қабылдаған

Семей қалалық полиция қызметкерлері есірткі қабылдап, рульге отырған қоғамдық көлік жүргізушісін анықтады.

Оқиға 20 қаңтар күні тіркелген. Аталған факті бойынша ҚР ӘҚБтК-нің 608-бабы 1-бөлігімен хаттама дайындалды.

«Өңірде 20-22 қаңтар аралығында «Автобус» жедел алдын алу шарасы жүргізілуде. Жолаушыларды және жүктерді тасымалдау ережелерін бұзғаны үшін – 7 жүргізуші, көлік тізгіндеп отырып телефон пайдаланған – 47, жылдамдықты асырғаны үшін – 14 және маневр жасау ережелерін бұзғаны үшін 46 жүргізуші әкімшілік жауапкершілікке тартылды»,-деп хабарлайды ШҚО ПД-нің баспасөз қызметі.

Аймақта полиция қызметкерлерімен жүргізілген екі күндік шара кезінде 300-ге жуық заңбұзушылық тіркелді.

БӨЛІСУ:
  • twitter
  • telegramm
  • facebok
  • vk