Батыс Қазақстан облысында түрмеден шыққанына жарты жыл болған педофил қайта қамауға алынды.

«Сотталушы Жәнібек ауданындағы полиция бөлімшесінде тіркеуде тұрған. Түнгі тексеріс кезінде ол тұрғылықты мекен жайында болмаған. Полиция қызметкерлерінің рұқсатынсыз Оралға кетіп қалған. Оған қоса қоғамдық тәртіпті бұзғаны үшін екі рет әкімшілік жауапқа тартылған. Ер адам жас балаларға жыныстық зорлық-зомбылық жасағаны үшін бұрын сотталғандар тізімінде және профилактикалық есепте тұр», – дейді облыстық соттағылар.

Айта кетсек, сотталушы 2020 жылы ұрлық жасағаны үшін 3,6 жылға сотталған. Осы жылдың наурызында оны шартты түрде мерзімінен бұрын босатқан.