Махачқаланың Совет аудандық соты мобилизацияға қарсы наразылық акциясына қатысқан Адам Гаджиевті бір жарым жылға колонияға қамау туралы үкім шығарды.

Гаджиевті билік өкіліне қауіпті емес күш қолдану бабы (РФ Қылмыстық кодексінің 318-бабының 1-бөлігі) бойынша кінәлі деп тапты. Айыпталушының қорғаушысы үкімге шағымданбақ. Істің мән-жайы әзірге белгісіз.

Өткен жылдың қазан айында Адам Гаджиев журналист Владимир Севриновскиймен және мобилизацияға қарсы басқа да наразылық білдірушілермен бірге «ұсақ бұзақылық» үшін сотталған.