2022 жылдың қаңтар-желтоқсан айларында елде 223 медициналық қылмыстық құқық бұзушылық тіркелді. Бұл өткен жылмен салыстырғанда 6,2% – ға көп.

Finprom.kz сайтының жазуынша, сектордағы құқық бұзушылықтар санының өсуі 2019-2021 жылдардағы көрсеткіштердің үш жылдық қысқаруынан кейін алғаш рет байқалып отыр.

Салыстыру үшін: өткен жылдың сәйкес кезеңінде дәрігерлер арасындағы құқық бұзушылықтар саны 18% – ға, 210 жағдайға дейін төмендеді.

Өңірлік бөліністе мұндай құқық бұзушылықтардың көбі Алматыда тіркелді. Қалада жалпы 26 жағдай анықталды. Бұл өткен жылмен салыстырғанда 36,8% – ға артық.

Сондай – ақ, елорда (21 жағдай, жылдық өсім-2,1 есе) және Алматы облысы (20 жағдай, минус 47,4%) антилидерлердің үштігіне кірді. Сектордағы ең аз құқық бұзушылықтар Жетісу, Ұлытау және Ақтөбе облыстарында тіркелді.

Медициналық қылмыстық құқық бұзушылықтардың барлығы дерлік (96,4%) медициналық немесе фармацевтикалық қызметкерлердің кәсіби міндеттерін дұрыс орындамауынан болып отыр. Атап айтар болсақ, 215 жағдай, бір жыл ішінде 5,4%-ға тең.

Тағы 6 жағдай заңсыз медициналық және фармацевтикалық қызметке және рецептерді заңсыз беруге немесе қолдан жасауға, заңсыз түсік жасату, жалған дәрілік заттармен, медициналық мақсаттағы бұйымдар немесе медициналық техникамен жұмыс істеу шеңберінде бір құқық бұзушылық тіркелді, деп жазды Azattyq Rýhy.

Осы орайда ҚР Денсаулық сақтау министрлігі Мемлекеттік органның оң имиджін қалыптастыру, қызметтік әдеп нормаларын сақтау және заңда көзделген мемлекеттік қызметшілер үшін шектеулер мәселелерін талқылады.

Айта кетейік, ҚР ДСМ Әдеп жөніндегі уәкілдері әлеуметтік желілерде, азаматтармен телефон арқылы келіссөз жүргізу кезінде, мемлекеттік қызметтер көрсету, бақылау-қадағалау функцияларын жүзеге асыру, іссапарларға шығу кезінде қызметтік әдеп нормаларын сақтау қажеттілігіне назар аударды. Сондай-ақ, мүдделер қақтығысы жағдайында сыбайлас жемқорлыққа қарсы мінез-құлық дағдыларын дамыту мәселесін көтерді.