«Қазақстан темір жолы» ҰК» АҚ жоғарғы және төменгі орындар құнына қатысты дифференциальды тәсілді қолдану бойынша пилоттық жобаның күшін жойды. Бұл туралы «Қазақстан темір жолы» ҰК» АҚ баспасөз қызметі мәлімдеді.

Алдында Қазақстанда 2022 жылдың 1 желтоқсанынан бастап кейбір коммерциялық пойыздардың вагондарында жоғарғы және төменгі орындардың билет құны 20 пайызға ерекшеленетіні айтылған.

Мұндай мәлімет шығысымен желі қолданушылар Темір жол компаниясын билет бағасын көтергелі жатыр деп айыптап, керісінше сервисті жақсарту қажет деген мәселе көтерген еді. Артынша компания аталған жобаны іске асырудан бас тартұандарын хабарлады.

«Жолаушылар тасымалы» АҚ бес коммерциялық пойыздың жоғарғы және төменгі орындарына жол жүру құнына сараланған тәсіл қолдану бойынша пилоттық жобаны жойды», -делінген хабарламада.