Луганск облысының әскери әкімшілігінің басшысы Сергей Гайдай бүгін Лиман маңында 5 мыңдай Ресей әскері қоршауда қалғанын мәлімдеді. Оның айтуынша, Ресей басшылығы сарбаздарға ол жерді тапстап кетуге рұқсат бермеген.

Гайдай атап өткендей, Ресей әсукерилеріне қару-жарақ жеткізетін жолдың бәрі жабылған. Сондықтан Украина әскерилері олардың берілуін немесе ол жерден шығуға деген талпынысын күтіп отыр.

Украина әскерилері сондай-ақ Лиман маңындағы бес елді мекенді азат еткен. Атап айтсақ Ямполь, Новоселовка, Шандриголово, Дробышево, Ставки елді мекендері жаудан аза етіліп, ол жерде тұрақтандыру жұмыстары жүріп жатыр.