Болат Өтемұратов «Қазақстан халқына» қоғамдық қорына 10 млрд теңге аударды.
Қор 15 қаңтарда президент Қасым-Жомарт Тоқаевтың 11 қаңтарда Қазақстан Республикасы парламентінде сөйлеген сөзінде мәлімдеген тапсырмасы бойынша құрылған.
Қор қаражаты азаматтардың денсаулық сақтау, білім, мәдениет және спорт салаларындағы мәселелерін шешуге бағытталады. Қор төтенше жағдайлардан зардап шеккен және төтенше жағдай енгізілген қазақстандықтарға көмек көрсетеді деп жоспарлануда.
Болат Өтемұратов құрамына Forte Bank, Beeline Қазақстан және Beeline Қырғызстан, Ritz Carlton, Burger King және басқа да жобалар кіретін «Верный Капитал» тобы жобаларының негізгі акционері болып табылады.
