Қарағанды облысындағы шахтада газ атылып, бес адам қаза тапты, деп жазды Azattyq Ruhy.
Төтенше жағдайлар министрлігінің мәлметінше, 3 қарашада таңғы сағат 3.00 шамасында Шахтинск қаласындағы Ленин атындағы шахтада («Арселор Миттал Теміртау» АҚ) жарылыс болған.
«Газ бұрғылау ұңғымаларын бұрғылау кезінде кенеттен газ атқылап, 4 жұмысшы қаза тапты. Тағы бір жұмысшыны іздеу жұмысы жүргізіліп жатыр. Сондай-ақ төрт адам ауруханаға жатқызылды», – деді ҚР Төтенше жағдайлар министрлігінің ресми өкілі Руслан Иманқұлов.
Алдын ала мәлімет бойынша, оқиға орнынан 106 жұмысшы эвакуацияланған.
ТЖМ өкілінің айтуынша, апатты тергеп-тексеру үшін комиссия құрылуда, оның қорытындысы бойынша апаттың себептері мен мән-жайы анықталатын болады.
Кейін белгілі болғандай іздестіріліп жатқан бесінші адамның да қаза тапқаны анықталды.
«Ленин атындағы шахтада газдренаждық ұңғымаларды бұрғылау кезінде кенеттен газ таралған. Салдарынан шахтаның 5 қызметкері қаза тауып, 4 адам Шахтинск және Х.Мақажанов атындағы ауруханаға жатты», – дейді Қарағанды облысының әкімі Жеңіс Қасымбек.
Оқиға орнында облыс әкімі, қала басшысы және компания жетекшілері, «Көмір» ӘҚҚҚ авариялық-құтқару қызметі жұмыс істеп жатыр.
-
31.12.2024
-
30.12.2024
-
30.12.2024
-
30.12.2024
-
30.12.2024
-
30.12.2024
-
30.12.2024
-
28.12.2024
-
28.12.2024