Жыл басынан бері Қазақстанда кәсіпорындарда 50 ірі еңбек қақтығысы орын алды, деп жазды LS порталы.
Еңбек және халықты әлеуметтік қорғау министрлігінің ақпаратынша, олар үшін жұмыс үш сағаттан астам уақытқа тоқтатылды. Бұл өткен жылмен салыстырғанда 61,3%-ға өсті (31 – 2021 жылы).
Министрлiкте олардың 48-і Маңғыстау облысында, ал екеуі Атырау облысында болғанын түсіндірді.
Наразылықтардың негізгі үлесі мұнай-газ саласында байқалды. Еңбек министрлігінің айтуынша, биылғы барлық қақтығыстар реттелді.
Қызметкерлердің негізгі талаптары- жалақыны көтеру, еңбек жағдайларын жақсарту, әлеуметтік пакетпен қамтамасыз ету, әлеуметтік аударымдар бойынша берешекті өтеу бойынша болған.
Мәселелерді шешу үшін Маңғыстау, Атырау және Павлодар облыстары әкімдерінің төрағалығымен ведомствоаралық штабтар тұрақты негізде жұмыс істейді.
Сонымен қатар, биыл орталық мемлекеттік және жергілікті органдардың, кәсіподақтар мен жұмыс берушілердің бірлескен іс-қимыл алгоритмі мақұлданды. Құжат еңбек жанжалдарын шешу және болдырмау бойынша жедел және жүйелі шараларды көздейді. Оның ішінде ұжымдармен түсіндірме жұмыстары есебінен.
Сондай-ақ, еңбек жанжалдары кезінде медиативтік қызметтер көрсетуге қабілетті қоғамдағы беделді келіссөз жүргізушілерді пулға тарту бойынша жұмыс жүргізілуде. Биылғы жылы әлеуметтік әріптестік жөніндегі үшжақты комиссиялардың 2 республикалық, 217 облыстық, 1,3 мың аудандық отырыстары өткізілді. Онда проблемалы кәсіпорындардың басшылары, оның ішінде жалақы бойынша берешегі бар және жергілікті мониторингтік топтардың мониторингінде тұрған кәсіпорындар сөз сөйледі.
Еңбек министрлігі биылғы жылы қабылданған шаралар есебінен 2022 жылдың II жартыжылдығында жанжалдар саны бес еседен сегізге дейін төмендегенін атап өтті (І жартыжылдықта 42 жанжал).
Сондай-ақ, 18,4 мың қызметкердің алдында 4,4 млрд теңгеден астам жалақы бойынша қарыздарды өтелді. 2,5 мың кәсіпорынның 1,9 млн қызметкерінің жалақысы 5-тен 80%-ға дейін көтерілді.
