Ұлттық статистика бюросының мәліметі бойынша, азық-түлік тауарларына жұмсалған шығынның үлесі артқан.

Мәселен, көрсеткіш 2015 жылғы 44,7%-дан, биылғы жылдың екінші тоқсанында 51,4%-ға дейін өсті.

Бұл статистиканың өсуіне әсер ететін негізгі факторлардың бірі – азық-түлік тауарлары бағасының қазақстандықтардың нақты жалақысынан жылдам өсуі.

Осылайша, 2022 жылдың екінші тоқсанының қорытындысы бойынша азық-түлік бағасының өсуі 18,7%-ды, ал жалақының өсуі 8,9%-ды құрады.

Қазақстандықтардың қалауларында да шамалы өзгерістер бар.

Халықтың рационында ет (айына +0,8 кг), сүт өнімдері (+0,8 кг), қант, тәттілер мен жемістер (+0,2 кг) артты.

Сонымен қатар көкөністерді (-0,8 кг), май және тоң майларды (-0,2 кг) тұтынудың төмендеуі байқалады.