Дзюдо федерациясы 2022 жылы ең үздік нәтиже көрсеткен осы спорт түрінің қазақстандық өкілдеріне 4 миллион теңгеге дейінгі сомаға сыйлық сертификаттарын табыс етті.
Өткен жыл отандық дзюдошылар үшін сәтті болды: қазан айында Ташкентте өткен әлем чемпионатында қазақстандықтар екі қола жүлдегері атанды: Елдос Сметов ерлер арасында 60 келіге дейінгі салмақ дәрежесінде үшінші орынға табан тіресе, Әбиба Әбужақынова әлемдік біріншіліктің әйелдер бөлігінде 48 келіге дейінгі салмақта осындай марапатқа ие болды. Сәл ертерек, тамыз айында Астанада өткен құрлықтық біріншілікте Қазақстан құрамасы медальдардың толық жиынтығын жинады – 73 келіге дейінгі салмақтағы ер адамдар арасынан алтын жүлде Данияр Шамшаевтың қанжығасына байланды, ал 100 келіге дейінгі салмақтағы әлем чемпионатының күмісін Ислам Бозбаев иеленді, тағы бес қазақстандық – Дидар Хамза, Мағжан Шамшадин, Гусман Қырғызбаев, Нұрлыхан Шархан және Аруна Жангелдина – елімізде өткен чемпионатта қола жүлдеге ие болды.
Сонымен қатар, қазақстандық Камила Берлікаш қараша айында Бакуде өткен Grand Slam сериясы турнирінің қола жүлдегері атанды, ал Босния мен Герцеговинада кадеттер арасындағы әлем чемпионатында (18 жасқа дейінгі ұлдар мен қыздар) 50 келіге дейінгі және 60 келіге дейінгі санаттарда қола медальдарды қазақстандықтар Диас Жолдыбаев пен Талғат Орынбасар жеңіп алды. Олардың барлығы дзюдо Федерациясында қалыптасқан дәстүр бойынша 19 қаңтарда түрлі ақшалай сыйақылармен марапатталды-планетарлық біріншіліктің жүлдегерлері 4 млн теңгеден, Азия чемпионы – 2 млн теңгеден, құрлықтық біріншіліктің күміс жүлдегері – 700 мың теңгеден еншіледі. Ал қола жүлдегерлер – жарты миллион теңгеден және Кадет чемпионатының жүлдегерлері – 400 мың теңгеден сыйақы алды. Ақшалай сертификаттар спорт базасынд үздік спортшыларға табысталды, айта кету керек мұнда қазір Қазақстан құрамасы маусымға дайындалып жатыр.
«Бүгін біз өткен жылы үздік нәтижелерге қол жеткізген спортшыларды марапаттаймыз: Мен, осы лауазымға жаңадан кіріскен федерация президенті ретінде, біздің құрылымымызда бұрыннан қалыптасқан осы бір жағымды дәстүрді қуана жалғастырамын, – деп атап өтті ҚР Дзюдо федерациясының басшысы Қуанышбек Есекеев. – Біздің еліміздің алдындағы ірі халықаралық старт жүлдегерлерінің еңбегін әділ мойындаудан бөлек, бүгінгі марапаттау салтанаты халықаралық аренада Қазақстанның намысын қорғайтын барлық спортшылар, сонымен қатар спортта алғашқы қадамын жасап жатқан жас дзюдошылар үшін жақсы ынталандыру болады деп ойлаймын. Сонымен қатар, Федерацияда көптеген танымал спортшыларды дайындаған мықты мамандарға сүйене отырып, біздің спортты елде қалай насихаттауға болатындығы туралы дұрыс көзқарас қалыптасқан»,- деді ол.
Айта кетейік, 19 қаңтарда сыйақыларды республиканың жетекші дзюдошылары ғана емес, сонымен қатар 700 мың теңге көлеміндегі ақшалай сертификаттармен еліміздің ерлер мен әйелдер ұлттық командаларының бас жаттықтырушылары Нұрбол Сүлейменов пен Ерлан Алпысбаев марапатталды, бүгінде олардың басшылығымен еліміздің 120-ға жуық жетекші дзюдошылары Гран При және Гранд Слэм серияларына, сондай-ақ мамыр айында Катарда өтетін әлем чемпионатына дайындалуда. Айта кету керек бұл турнирлерде қазақстандық дзюдошылар 2024 жылы Парижде өтетін Олимпиада ойындарына іріктеу шеңберінде іріктеу ұпайларын жинай бастайды, әрі ойыншылар 2016 жылы Риода күміс, ал 2021 жылы Токиода Олимпиаданың қола жүлдегері атанған командаластары Елдос Сметовтың жетістігін қайталауға, тіпті одан асып түсуге тырысады.
Қазақстандық спортшыларды осы старттарға даярлауға жаттықтырушылардан, консультанттардан, дәрігерлерден, массажистерден және ұлттық құрама менеджерлерінен тұратын татулығы жарасқан команда атсалысуда, олар Федерация тарапынан 250 мыңнан 700 мың теңгеге дейінгі көлемдегі сертификаттармен марапатталды. Қуанышбек Есекеев атап өткендей, қазіргі кәсіби спортта ұсақ-түйек жоқ, сондықтан қазақстандық дзюдошының халықаралық старттардағы әрбір табысының артында көптеген мамандардың қажырлы еңбегі жатыр. Олардың тәжірибесі елімізде спорттың осы түрін танымал етуге, таланттарды анықтауға және оларды ең заманауи және озық әлемдік әдістемелер бойынша дамытуға бағытталған «Қазақстандағы Дзюдо-2024-2028» жобасын іске асыру кезінде аса қажет болады.
«Қазір біздің спорт түрімен Қазақстанда ресми деректер бойынша 85 мыңға жуық адам айналысады, дзюдодан ересектер, жасөспірімдер мен жастар арасындағы Республика чемпионаттарына жыл сайын Қазақстанның түкпір – түкпірінен 10 мыңнан астам спортшы жинайды, бірақ біздің мүмкіндіктер бұдан да жоғары екеніне сенімдімін, – дейді ҚР Дзюдо федерациясының бас хатшысы Асхат Жіткеев. – Бірнеше жыл бұрын Алматыда Дзюдо академиясы ашылды, онда жас балалар ұлттық құраманың спортшыларымен бірге жаттығады, біз жаңа таланттарды анықтау үшін осындай қадамдарды көбірек жасауымыз керек. Мен өзім көптеген жылдар бойы әуесқой деңгейде спортпен шұғылданған адам ретінде айта аламын, олимпиада жүлдегерлерімен, әлем біріншіліктерінің жүлдегерлерімен және құрлық чемпиондарымен бір залда жаттығу мүмкіндігі спортқа көптеген балалар мен жасөспірімдерді тартады. Ал бұл, сайып келгенде, қазақстандық дзюдоның әлемдік аренадағы бәсекеге қабілеттілігін арттыруға мүмкіндік береді», – деп қорытындылады сөзін Асхат Жіткеев.
