26 қыркүйекте ҚР Сыбайлас жемқорлыққа қарсы қызметтің шақыруымен қырғызстандық Викрам Рузахунов адвокатымен бірге Қаңтардағы тергеуге қатысу үшін Алматы облысына келді. Бұл туралы музыкант Фейсбуктегі парақшасында жазды.
10 ақпанда оған қатысты азаптау фактісі бойынша қылмыстық іс қозғалған.
«Мен «террорист» және «бүлікші» ретінде таныстырғылары келген алғашқы шетел азаматы болдым. 8 айдан кейін азаптау туралы ісім бойынша ешкім қамауға алынбады және жауапқа да тартылған жоқ», – деп жазды ол.
Айта кету керек, Алматыдағы жаппай тәртіпсіздіктер кезінде қырғыз музыканты Викрам Рузахунов тәртіп сақшыларының күш қолданғанын хабарлаған болатын.
