Мемлекеттік кеңесші Ерлан Қарин Нартай Аралбайұлына сұхбат берді. Сұхбатта ол Конституциялық реформаның орындалуы жайында айтты.
– Әдетте Парламент бір сессияда 40-50 заң қабылдайды. Ал биылғы күзгі сессияның басында Мәжіліс тек Конституциялық реформаға қатысты 20-дан астам заңды жұмысқа қабылдады. Бүгінде бірқатар заң жобасын Сенатқа жіберді. Алдағы бірер айдың ішінде Конституциялық реформаны іске асыруға қатысты заңдардың алғашқы бөлігі қабылдана бастайды. Осыдан-ақ жұмыстың қаншалықты қарқынды жүріп жатқанын көруге болады, – деді Ерлан Қарин.
