07-02-23 |
980 рет қаралған
Семейде қоғамдық көлік жүргізушілері наразылыққа шықты.
Семейде қоғамдық көлік жүргізушілері наразылыққа шықты

Семейде қоғамдық көлік жүргізушілері жұмыс сағатының қысқарғанына қарсы шықты. Соның кесірінен ай сайын алатын жалақы азайып кеткен.

Таңсәріден автобус жүргізушілері мен кондукторлар бағытқа шығудан жаппай бас тартты. Жиналған 50 қызметкер 2019 жылдан бері еңбекақы көк тиынға көбеймегеніне наразы. Олар күніне сегіз сағат емес, 12-16 сағат жұмыс істейтінін айтады. Тіпті кейбір жүргізушілер кондуктордың қызметін де қатар атқарады. Алайда алатын ақша мардымсыз. Өйткені жүргізушілерге сағатына мың теңге ғана төленеді. Ал автопарк басшылары жүргізушілердің жаппай наразылығынан кейін жалақыны көтереміз деп уәде берді.

«Бүгін таңертең «Семавтопарк» ЖШС және «АвтотрансСемей» ЖШС автобус парктері жүргізушілері бағытқа шығудан бас тартып, наразылық танытты. Негізгі мәселе жалақыны көтеру болды. Жалақы дауы шешімін тапты. Ағымдағы жылдың ақпан айынан бастап еңбекақы 40 пайызға ұлғайтылатын болады», – деді Семей жолаушылар тасымалы және автокөлік жолдары бөлімінің бас маманы Айжан Жұманова.

БӨЛІСУ:
  • twitter
  • telegramm
  • facebok
  • vk
Соңғы мақалалар.
МІНБЕР.