Каспий құбыр консорциумының баспасөз қызметі КҚК-да техникалық ақауларға байланысты екі кешеннің жұмысы уақытша тоқтағанын мәлімдеді.

Сүңгуірлер бригадасы кешенге жоспарлы техникалық қызмет көрсету кезінде суасты түтіктерін жүзу танктеріне бекіту орындарында жарықтар табылғанын анықтаған.

Құрылғылардың қауіпсіздігін бақылайтын ABS жіктеу қоғамы екі қонлырғыны пайдалануды тоқтата тұруды ұсынған.

Ресей тарапы Каспий құбыр консорциумының жұмысын көктемнен бері қайта-қайта тоқтатып келеді. Тоқаев пен Путиннің әр кездесуінен кейін мұнай айдайтын құбыр жұмысының тоқтауы әдетке айналып барады. Бұған дейін Қасым-Жомарт Тоқаев Петербург халықаралық экономикалық форумының пленарлық отырысынан кейін Владимир Путинмен кездесу өткізіп, көпшілік алдында ЛНР мен ДНР-ді мойындамайтынын мәлімдеген. Артынша Қазақстанның мұнайын сыртқа шығарып отырған Каспий құбыр консорциумының жұмысы тоқтатылып, оған айыппұл салынған еді.